Centro de pensamiento e investigación en ciencias sociales

IEP yachayninmanta

Qawarichiynin

Instituto de Estudios Peruanosqa (IEP) Ciencias Socialespi taripaykuna chawpichaqninmi, rurayninqa Perú suyumanta, América latinamantapas mana piman sayapakuspa, llapanta qawarispa hinallataq imaymana yachaykunata tinkuchispa.

Paqarisqanmantapacham IEPqa rurasqanwan ancha riqsisqa, hinallataq suyunchikpa qispiyninpaq rimanakuykuna minkariy sayarichisqanwanpas.

Taripaykuna rurasqanqa Perú suyumanta, latinoamericapi wakin suyukunamanta yachaykuna puririchisqanpas lliw runakuna paqta qispinankupaq, munayninku rurasqa kananpaq hinallataq imaymana kasqanchik riqsisqa kananrayku puririn.

Institutopa munayninqa suyunchikpi runakunapa kawsasqan chiqapmanta qawariykuy, wiñaymantapacha kawsakuyninkunata, kaqninkunata, markankunata hinallataq yachayninkunatapas taripaykun imayna kasqanchik aswan allin qatipaykusqa kananrayku. Taripaykunaqa suyuntin runapa takyasqa mallwaynin sasachaqkunatam riqsipan hinaspa ima ruranata kamarichin. Kunanpacha taripayninkunaqa tawa taqakunapim tarikun:

IEPqa llamkan imaymana yachayniyuqkunawan sinchita rimanakuspa hinallataqmi qipa wiñaykunata pusarinkupuni. Takyasqa taripaqninkunam rurayninkunapi tinkuchin taripayta, yachachiyta, runapa kawsakuyninmanta patachaykunata hinallataq kaqninkunamanta, hinallataq Estadopa imaymana kamachiyninkunapi sayarinkutaq.

Fondo Editorialniykuqa, yaqa isqun pachak sutinchasqa maytukunayuqmi kimsa chunka iskayniyuq yachaykunapi taqasqa, llapan antisuyupi kaqta qawarisqam kaykunaqa aswanniraq chaniyuq runapa kawsaynin qawarisqankunamanta kaspa. Sapa watam qispin yaqa kimsa chunka musuq maytukuna, chaykunam suyunchik ukupi hinallataq hawa suyupi yachaqkunawan rimanakuyman yaykun. IEPqa qispichisqankunatam lliw runapaq puririchin hinallataq políticas públicas unanchaqkunapaqpas.

Pichqa chunka wata llalliriqña kawsayninpim, Instituto de Estudios Peruanosqa, Perú suyupi hinallataq América Latinapi llapan chawpiq yupaychasqa kaqkunamantaqa aswan ancha ancha riqsisqa kaqnin.